ANAMA-ն քննարկել է՝ Թաիլանդի ականազերծման կենտրոնի հետ համագործակցության հեռանկարները

Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովի գլխավորած պատվիրակությունը՝ աշխատանքային այցով գտնվում է Հարավարևելյան Ասիայում։

Այցի նպատակն է՝ ընդլայնել համագործակցությունը և փորձի փոխանակումը ականային սպառնալիքի դեմ պայքարի ոլորտում մասնագիտացած միջազգային կառույցների հետ։ Պատվիրակության կազմում են Ադրբեջանի ականազերծման գործակալության (ANAMA) ներկայացուցիչներ։

Ինչպես Caliber.Az-ին հայտնել են ANAMA-ից, պատվիրակությունը հանդիպում է ունեցել Թաիլանդի ականազերծման կենտրոնում, որտեղ քննարկվել են համագործակցության հեռանկարները։ Այսպես, այցի շրջանակներում հանդիպում է կայացել՝ ադրբեջանական պատվիրակության և Թաիլանդի Ականազերծման կենտրոնի գլխավոր տնօրեն, գեներալ-լեյտենանտ Նատավուտ Սաբիերուպի միջև։ Հանդիպմանը փորձի փոխանակում է կատարվել հումանիտար ականազերծման ոլորտում, քննարկվել են՝ համատեղ ուսումնական ծրագրերը, ականազերծման գործողությունների նորարարական մոտեցումները, ներուժի ուժեղացման և տեխնիկական օգնության հարցեր։

Խոսելով Ադրբեջանի առջև ծառացած ականային խնդրի մասշտաբների մասին, Էլչին Ամիրբեկովն ընդգծել է՝ դրա հաղթահարման համար միջազգային հանրության ուշադրության և աջակցության բարձրացման կարևորությունը։ Նա նշել է, որ հանդիպման անցկացումը մեծ ներդրում կունենա այս ոլորտում համագործակցության զարգացման գործում։