Ասրյան. Հայաստանը պաշտպանական ոլորտի բոլոր ուղղություններով համագործակցում է ԱՄՆ-ի հետ

Հայաստանի պաշտպանության նախարարությունը ակտիվորեն համագործակցում է ամերիկացի գործընկերների հետ՝ պաշտպանության հետ կապված բոլոր ասպեկտներով։

Ինչպես հաղորդում է ՏԱՍՍ-ը, այս մասին ճեպազրույցում ասել է՝ Հանրապետության Զինված ուժերի գլխավոր շտաբի պետ, պաշտպանության նախարարության ղեկավարի առաջին տեղակալ Էդվարդ Ասրյանը։

«Մենք ԱՄՆ-ի հետ համագործակցում ենք բոլոր ոլորտներում՝ ռազմական, ռազմատեխնիկական։ Սա համագործակցություն է պաշտպանական ոլորտում»,-ասել է նա՝ հրաժարվելով մեկնաբանել ԱՄՆ-ից զենք ձեռք բերելու հնարավորության հարցը։