AZAL-ի ինքնաթիռի վթարի վայրում հուշարձան է կանգնեցվել

Սոցիալական ցանցերում հայտնվել է տեսանյութ, որում նշվում է, որ Ակտաուի մոտակայքում ինքնաթիռի վթարի վայրում հուշարձան է կանգնեցվել, հաղորդում է Orda.kz-ն։

Կառույցը իրենից ներկայացնում է երկաթե ցանկապատ այն տարածքի շուրջ, որտեղ ընկել են կործանված ինքնաթիռի բեկորները։ Կողքին տեղադրել են նստարաններ, տնկել ծաղիկներ։

Տուպկարագանի շրջանի ղեկավարությունից հայտնել են, որ տեղական իշխանությունները որևէ կապ չունեն հուշարձանի տեղադրման հետ։

«Սա Մանգիստաու շրջանի ոչ անտարբեր բնակիչների նախաձեռնությունն է։ Նրանք որոշել են իրենց սեփական միջոցներով հարգանքի տուրք մատուցել զոհվածների հիշատակին։ Հուշարձանի համար բյուջեից միջոցներ չեն հատկացվել», - նշել են շրջանային ակիմատի մամուլի ծառայությունում։