Բերբոքը առաջադրվել է ՄԱԿ-ի Գլխավոր ասամբլեայի նախագահի պաշտոնում

Գերմանիայի կառավարությունը հաստատել է ԱԳ նախարար Աննալենա Բերբոքի թեկնածությունը ՄԱԿ-ի Գլխավոր ասամբլեայի նախագահի պաշտոնում։

Այս մասին հայտնում է ՏԱՍՍ-ը։

«Նախարարների կաբինետը որոշել է Անալենա Բերբոքին առաջադրել Գլխավոր ասամբլեայի նախագահի պաշտոնում»,- ճեպազրույցում ասել է նախարարների կաբինետի խոսնակ Շտեֆեն Հեբեշտրայթը։ Նա նշել է, որ ՄԱԿ-ում թեկնածության համաձայնեցման գործընթացը դեռ առջևում է, և նրա ընտրությունը սպասվում է հունիսին։

Երեքշաբթի օրը DPA գործակալությունը, հղում անելով Գերմանիայի կառավարության աղբյուրներին, հաղորդել է կաբինետի պլանների մասին՝ Բերբոքին առաջադրել որպես ՄԱԿ-ի Գլխավոր ասամբլեայի 2025-2026թթ. նախագահի պաշտոնում: Ավելի վաղ Գերմանիայի ԱԳՆ-ն հայտարարել էր ԵԱՀԿ նախկին գլխավոր քարտուղար, պրոֆեսիոնալ դիվանագետ Հելգա Շմիդտի թեկնածությունն առաջադրելու մտադրության մասին։