Der Spiegel. Գերմանիայի կառավարությունը վախենում է, որ գերմանական տանկերը կհայտնվեն Ռուսաստանում

Գերմանիայի իշխանությունները մտավախություն ունեն, որ Ուկրաինայի զինված ուժերը կարող են գերմանական տանկերն օգտագործել Ռուսաստանի տարածքում ռազմական գործողությունների համար, գրում է Der Spiegel ամսագիրը՝ հղում անելով աղբյուրներին։ Հրատարակության տվյալներով՝ դա պատճառներից մեկն էր, որ Գերմանիան տանկեր չի մատակարարում Ուկրաինային։

Հրատարակության աղբյուրների համաձայն՝ Գերմանիայի կառավարությունը կարծում է, որ ռազմական գործողությունները կարող են տեղափոխվել Ռուսաստանի տարածք, եթե Ուկրաինան «մի շարք հաղթանակներ տանի մարտի դաշտում»։ Իշխանությունները մտավախություն ունեն, որ այդ ժամանակ «գերմանական տանկերը կրկին կհայտնվեն Ռուսաստանում», ինչը Ուկրաինային տանկեր մատակարարելուց հրաժարվելու պատճառներից մեկն էր։

Հրատարակության տեղեկատվության համաձայն՝ այս մտահոգություններն ընդգծում են Ուկրաինայի նախագահ Վլադիմիր Զելենսկու անվստահությունը Գերմանիայի կառավարության նկատմամբ։

Հրատարակությունը հաստատում է, որ ԱՄՆ-ի, Մեծ Բրիտանիայի և Ֆրանսիայի միջև կա Ուկրաինային տանկեր մատակարարելուց հրաժարվելու ոչ պաշտոնական պայմանավորվածություն։ Սակայն, ինչպես գրում է Der Spiegel-ը, ՆԱՏՕ-ի մակարդակով երբեք «տանկային շրջափակում» չի քննարկվել։ Ինչպես պարզաբանում է հրատարակությունը, Գերմանիան նույնպես չի կարող՝ լինել «պատմական պատճառներով» Ուկրաինային տանկեր մատակարարող առաջին երկիրը: