Դեսպան. Թյուրքական երկրների հետ կապերի ընդլայնումը Ադրբեջանի արտաքին քաղաքականության առաջնահերթությունն է

Ղազախստանի հետ հարաբերությունների զարգացումը Ադրբեջանի արտաքին քաղաքականության առանցքային առաջնահերթություններից է։

Ինչպես հայտնում է Caliber.Az-ը, այս մասին The Astana Times-ին տված հարցազրույցում ասել է Ղազախստանում Ադրբեջանի դեսպան Աղալար Հաթամողլանովը։

Դիվանագետի խոսքով՝ Ղազախստանն ու Ադրբեջանը ռազմավարական գործընկերներ ու դաշնակիցներ են։

«Մեր ընդհանուր էթնիկական արմատները, կրոնը, նմանատիպ մշակութային արժեքները, ընդհանուր պատմությունը և Կասպից ծովով աշխարհագրական մերձությունը կարևոր գործոններ են, որոնք ավելի են մերձեցնում մեր ժողովուրդներին։ Այս կապերը, որոնք ձևավորվել են դարերի ընթացքում, ամուր հիմք են դրել երկկողմ փոխգործակցության ընդլայնման համար»,- ընդգծել է նա։