Fip.am. Հայաստանի ԱԳՆ-ն ոչինչ չունի պատասխանելու Ղարաբաղում խաղաղապահներին

Fip.am-ի հայկական խմբագրությունը որոշել է սեփական հետաքննությունն անցկացնել ռուսական խաղաղապահ զորախմբի հասցեին Նիկոլ Փաշինյանի վերջին քննադատության վերաբերյալ, ով վերջինիս մեղադրել է իր պարտականությունները չկատարելու մեջ։

Ռուսաստանի արձագանքը չուշացավ. օրինակ՝ ՌԴ ԱԳ նախարար Սերգեյ Լավրովն ասել է որ հայկական կողմը ռուս խաղաղապահների լիազորությունների վերաբերյալ ոչ մի առաջարկներ չի ներկայացրել։ Որոշ ժամանակ անց դիվանագիտական գերատեսչության տեղեկատվության և մամուլի բաժնի փոխտնօրեն Իվան Նեչաևը անհիմն է համարել Փաշինյանի քննադատությունը ռուս խաղաղապահների հասցեին։

Հրատարակչութունը որոշել է պարզաբանել այս հարցը՝ դիմելով ՀՀ ԱԳՆ։ Ի պատասխան՝ ԱԳՆ-ն Fip.am-ին տեղեկատվություն չի տրամադրել առաջարկների բովանդակության մասին, ինչպես նաև չի ճշտել, թե ինչ հիմքով է հրաժարվել դրանք հրապարակել։ Փոխարենը ԱԳՆ-ն առաջարկել է հիմք ընդունել օգոստոսի 4-ի վարչապետի և օգոստոսի 5-ի ԱԳՆ մամուլի խոսնակի վերոնշյալ հայտարարությունները՝ հավելելով, որ «այս պահին հրապարակման ենթակա լրացուցիչ տեղեկատվություն չկա»։

Fip.am-ի հետ հեռախոսազրույցում այս հարցերին հրաժարվեց պատասխանել նաև ԱԳՆ մամուլի քարտուղար Վահան Հունանյանը՝ հայտարարելով, որ լրացուցիչ տեղեկություն չունի։