Հարյուրավոր մարդիկ Իրանից տարհանվել են Ադրբեջան

17 երկրների քաղաքացիներ (600 մարդ) տարհանվել են Իրանից Ադրբեջանի տարածքով։

Caliber.Az-ի հաղորդմամբ՝ մարդասիրական միջանցքը գործում է արդեն 5 օր։

Այս պահին ավելի քան 600 մարդ կարողացել է անարգել անցնել Աստարայի անցակետը։ Տարհանվածների թվում կան 17 երկրների քաղաքացիներ, այդ թվում՝ ադրբեջանցիներ։

Տարհանվում են ԱՊՀ երկրների՝ Ռուսաստանի, Բելառուսի, Ղազախստանի, Ղրղզստանի, Տաջիկստանի, Ուզբեկստանի քաղաքացիներ։ Ինչ վերաբերում է եվրոպական երկրներին, ապա Գերմանիայի, Իսպանիայի, Իտալիայի, Սերբիայի, Ռումինիայի, Պորտուգալիայի քաղաքացիների տարհանումը կատարվել է դիմումների հիման վրա։