Հուլուսի Աքար. Ադրբեջանը և Թուրքիան պետք է շարունակեն ամրապնդել պաշտպանական համագործակցությունը

Շարունակվում են աշխատանքները ադրբեջանական բանակն ու նրա անձնակազմը թուրքական մոդելին ադապտացնելու ուղղությամբ։

Ինչպես հաղորդում է Report-ը, այս մասին լրագրողներին ասել է Թուրքիայի խորհրդարանի Ազգային պաշտպանության հանձնաժողովի նախագահ Հուլուսի Աքարը։

Նրա խոսքով, Ադրբեջանը և Թուրքիան պետք է շարունակեն ամրապնդել համագործակցությունը պաշտպանական ոլորտում, և այդ նպատակով պետք է համատեղ զորավարժություններ անցկացվեն։

Աքարը գոհունակությամբ նշել է նաև, որ Ադրբեջանի նախագահ Իլհամ Ալիևը աջակցություն է հայտնել Հյուսիսային Կիպրոսին։ «Ադրբեջանի ղեկավարը նշեց, որ մենք «երեք ժողովուրդ և երեք պետություն» ենք։ Բայց մենք նաև պետք է լինենք մեկ բանակ»,- ասել է նա: