«Կոմերսանտ». Բաքուն ազատ է արձակել Իգոր Կարտավիխին, Մոսկվան՝ Ադրբեջանի քաղաքացուն

Բաքվում ձերբակալված՝ «Սպուտնիկ Ազերբայջան»-ի գործադիր տնօրեն Իգոր Կարտավիխն ազատ է արձակվել։ Ռուսաստանը, իր հերթին, ազատ է արձակել՝ Ռուսաստանում ձերբակալված Ադրբեջանի քաղաքացիներից մեկին։
 
Այս մասին «Կոմերսանտ»-ին պատմել է Ռուսաստանի նախագահի օգնական Յուրի Ուշակովը:
 
Բանակցությունները հիմնականում  անցկացվել են նախագահի օգնականների մակարդակով: «Կոմերսանտ»-ի փոխանցմամբ՝ Յուրի Ուշակովը անմիջականորեն աշխատել է իր ադրբեջանցի գործընկեր Հիքմեթ Հաջիևի հետ, և որոշումը կայացվել է՝ Վլադիմիր Պուտինի և Իլհամ Ալիևի Դուշանբեում կայանալիք հանդիպման նախօրեին:
 
Օգնականները, ըստ Անդրեյ Կոլեսնիկովի,  հնարավորություն են ունեցել այս աշխատանքը անմիջականորեն համակարգել նախագահների հետ, ինչի շնորհիվ, ըստ Յուրի Ուշակովի, նախ և առաջ հնարավոր է դարձրել Իգոր Կարտավիխի ազատ արձակումը: