Ադրբեջանցի բնապահպանները պահանջում են Հայաստանում Մեծամորի ԱԷԿ-ի փակումը

Մեր գլխավոր նպատակն է՝ ավելի արդյունավետ պայքարել տարածաշրջանում Հայաստանի կողմից ստեղծվող բնապահպանական ռիսկերի դեմ։
 
Ինչպես հաղորդում է APA-ն, այս մասին հայտարարել է «Enviromental Protection First»  ՈԿԿ-ների կոալիցիայի անդամ Ամին Մամեդովը՝ կոալիցիայի ճեպազրույցի ժամանակ։
 
Նա ասել է, որ նրանց ներկայացրած կազմակերպությունը պահանջում է Մեծամորի ԱԷԿ-ի  շուտափույթ փակումը.
 
«Այս նախաձեռնության գլխավոր հեղինակը Թուրքիայում գործող «Doğa ve Çevre» հասարակական միավորումն է։ Վերջերս Իգդիրում Մեծամորի ԱԷԿ-ի վնասակար գործունեությանը նվիրված միջոցառման ժամանակ թուրք բնապահպանները հատուկ հայտարարություն են ընդունել։ Հայաստանը որևէ զեկույց չի հրապարակում Ադրբեջանին սահմանակից տարածքներում իրականացվող հանքարդյունաբերական գործունեության վերաբերյալ։ Կարծում եմ, որ պետք է գործնական քայլեր ձեռնարկվեն այս կայանի գործունեությունը դադարեցնելու համար»։
 
Առնվազն 6 գետ է հոսում Հայաստանից Ադրբեջան՝ իրենց հետ բերելով շրջակա միջավայրի աղտոտման ռիսկեր։
 
Ինչպես հաղորդում է Report-ը, այս մասին իր հերթին հայտարարել է՝ «Enviromental Protection First» ՈԿԿ-ների կոալիցիայի անդամ Սաբիթ Բաղիրովը՝ Մեծամորի ԱԷԿ-ի գործունեության դեմ բողոքի ճեպազրույցի ժամանակ։
 
Մասնագետի խոսքով՝ հատկապես բարձր է Արազ գետի աղտոտման վտանգը: