Ադրբեջանից Վրաստան զբոսաշրջիկների հոսքը աճել է մեկ երրորդով Թվեր

2025 թվականի առաջին վեց ամիսներին Ռուսաստանից Վրաստան այցելողների թիվը՝ նախորդ տարվա նույն ժամանակահատվածի համեմատ աճել է 10 տոկոսով՝ հասնելով 581,000-ի։
 
Ինչպես հաղորդում է Caliber.Az-ը՝ վրացական լրատվամիջոցներին հղում անելով, այս մասին ասվում է TBC Capital վերլուծական ընկերության ուսումնասիրության մեջ։
 
TBC Capital-ի ուսումնասիրության համաձայն՝ նույն ժամանակահատվածում Թուրքիայից այցելությունները նվազել են 14%-ով (534,000), Հայաստանից՝ աճել 1%-ով (391,000), իսկ Ադրբեջանից՝ 36%-ով (131,000)։
 
Ինչ վերաբերում է հարևան երկրներից այցելությունների թվին, դրանք բաշխվել են հետևյալ կերպ.
 
Ռուսաստան՝ 581,000;
 
Թուրքիա՝ 534,000;
 
Հայաստան՝ 391,000;
 
Ադրբեջան՝ 131,000։
 
Ընդհանուր առմամբ, 2025 թվականի առաջին վեց ամիսներին Վրաստանը ընդունել է 2.81 միլիոն միջազգային այցելություն, ինչը 4.6%-ով ավելի է նախորդ տարվա համեմատ։