Ադրբեջանը կրկնապատկել է Վրաստանում ուղղակի ներդրումները

2025 թվականի առաջին եռամսյակում Վրաստանի տնտեսությունում Ադրբեջանի ուղղակի ներդրումները կազմել են 25 միլիոն դոլար։
 
Ինչպես հաղորդում է Caliber.Az-ը՝ վրացական լրատվամիջոցներին հղումով, 2024 թվականի հունվար-մարտ ամիսներին Ադրբեջանից Վրաստան կատարված ներդրումները կազմել են 12,7 միլիոն դոլար։ Այսպիսով, Ադրբեջանը 2025 թվականի առաջին եռամսյակում Վրաստանի տնտեսությունում կատարված ներդրումները ավելացրել է 96,8%-ով։
 
Գերատեսչության տվյալներով՝ հաշվետու ժամանակահատվածում Ադրբեջանը հանդիսանում է  Վրաստանի տնտեսությունում հինգերորդ ներդրողը՝ 13,9% մասնաբաժնով։