Բաքվի բանտում գտնվող Վարդանյանը վաճառել է ռուսական ավտոբիզնեսում իր բաժնեմասը

Ադրբեջանում ձերբակալված Հայաստանի քաղաքացի Ռուբեն Վարդանյանը ամբողջությամբ դուրս է եկել ռուսական ավտոբիզնեսից՝ վաճառելով «Ատոմ» էլեկտրական մեքենաների նախագծում իր բաժնեմասը։
 
Ինչպես պարզել է «Կոմերսանտը», նրա 25% բաժնեմասը «Վոսխոդ» ԲԲԸ-ում, որը «Կամա»-ի հիմնական բաժնետեր է, փոխանցվել է հենց ընկերությանը։
 
Այժմ «Վոսխոդի» մնացած համասեփականատերերն են «ԿամԱԶ»-ի գլխավոր տնօրեն Սերգեյ Կոգոգինը (37.5%) և «Սպեկտր» ԲԲԸ-ն (37.5%): 2024 թվականի աշնանը Վարդանյանը նույնպես դադարեց լինել «ԿամԱԶ»-ի համասեփականատեր: Մասնագետների կարծիքով, գործարարի նախագծից դուրս գալը պայմանավորված է նրա դժվարին վիճակով. 2023 թվականի սեպտեմբերին նա ձերբակալվել է Ադրբեջանում և ներկայումս գտնվում է բանտում:
 
«Կամա»-ում հաստատել են՝ «Մոսկվիչ» գործարանում «Ատոմ» էլեկտրական մեքենայի սերիական արտադրությունը տարեվերջին սկսելու պլանները։ Մեքենայի արժեքը, չհաշված կառավարության աջակցությունը, կանխատեսվում է 3-4 միլիոն ռուբլի: «Կոմերսանտ»-ի կողմից հարցված փորձագետների մեծ մասը կասկածանքով է մոտենում նախագծին՝ դրա բարձր գնի պատճառով, սակայն նրանք չեն բացառում տաքսիների և մեքենաների համատեղ օգտագործման ծառայությունների հետաքրքրությունը։