Ekonomiks. Ռուսաստանը թանկարժեք մետաղներ է արտահանում Հայաստանի միջոցով՝ շրջանցելով պատժամիջոցները

Միջազգային հանրային տնտեսական հետազոտությունների Ekonomiks-ը հրապարակել է՝ Հայաստանի ներմուծման և արտահանման գործառնությունների տնտեսական վերլուծության վերաբերյալ անցկացված ուսումնասիրության վերջնական արդյունքները։
 
Caliber.az-ի թղթակցի փոխանցմամբ՝ կազմակերպության նախագահ Ֆիկրեթ Յուսիֆովը ճեպազրույցի ժամանակ հայտարարել է, որ Ռուսաստանի կողմից Ուկրաինայի դեմ պատերազմի ֆինանսավորման հիմնական աղբյուրներից մեկը՝ Հայաստանի միջոցով իրականացվող ներմուծման և արտահանման գործառնություններն են։
 
«Ռուսաստանի դեմ միջազգային պատժամիջոցների կիրառումը և Հայաստանի արտաքին առևտրի շրջանառության կտրուկ աճը սերտորեն կապված են. մեկը պատճառն է, մյուսը՝ հետևանքը։ Հայաստանի ​​վիճակագրական պետական կոմիտեի և միջազգային կազմակերպությունների կողմից հրապարակված տվյալների համաձայն՝ վերջին հինգ տարիների ընթացքում Հայաստանի արտաքին առևտրի շրջանառությունը աճել է 4.2 անգամ՝ 7.1 միլիարդ դոլարից հասնելով 30.2 միլիարդ դոլարի»։ «Եթե, 2021 թվականին Հայաստանը Ռուսաստանից ներմուծել է ընդամենը 1.8 միլիարդ դոլարի ապրանք, ապա 2024 թվականին այս  ցուցանիշը աճել է 5.1 անգամ կամ 7.4 միլիարդ դոլարով՝ հասնելով 9.2 միլիարդ դոլարի, որից 6.9 միլիարդ դոլարը կամ 75%-ը կազմել են բացառապես թանկարժեք և կիսաթանկարժեք քարերը և թանկարժեք մետաղները», - ընդգծել է Յուսիֆովը։
 
Ինչպես նշել է Յուսիֆովը, վերլուծությունը ցույց է տալիս, որ Ռուսաստանից Հայաստանի կողմից մեծ քանակությամբ ներմուծված թանկարժեք և կիսաթանկարժեք քարերը և թանկարժեք մետաղները նախատեսված չեն ներքին կարիքների համար, այլ երրորդ երկրներ արտահանման համար։