Ղազախստանի ԱԳՆ. Կասպից ծովի ծանծաղացման հարցը երբեք դուրս չի եկել օրակարգից

Մերձկասպյան երկրների արտգործնախարարները, ինչպես նաև պրոֆիլային գերատեսչությունների՝ շրջակա միջավայրի, էներգետիկայի և տեղական իշխանությունների ներկայացուցիչները պարբերաբար քննարկում են՝ Կասպից ծովի հետ կապված հարցերի լայն շրջանակ։
 
Այս մասին հայտարարել է Ղազախստանի Հանրապետության արտաքին գործերի նախարարության պաշտոնական ներկայացուցիչ Այբեկ Սմադիյարովը՝ պատասխանելով AZERTAC-ի հարցին ճեպազրույցի ժամանակ։ Նա նշել է, որ Կասպից ծովը հնարավորություններ է բացում լոգիստիկայի զարգացման համար և կարևոր դեր է խաղում բոլոր հինգ ափամերձ երկրների համար։
 
Ա. Սմադիյարովի խոսքով՝ Կասպից ծովի ծանծաղացման հարցը երբեք դուրս չի եկել օրակարգից։ «Գիտնականները աշխատում են Կասպից ծովի ծանծաղացման հարցի վրա։ Չեմ կարող ասել, թե ինչպիսի հետազոտություններ են անցկացվում, բայց այս հարցը մեզ համար շատ կարևոր է», - ընդգծել է նա։