Մոսկվան խոսում է Բաքվում ձերբակալված ռուսների մասին, բայց լռում է Եկատերինբուրգում տեղի ունեցած վայրագությունների մասին

«Ադրբեջանում ձերբակալված 13 ռուսաստանցի քաղաքացիների ազատ արձակումը կարող է կարևոր քայլ լինել Մոսկվայի և Բաքվի միջև հարաբերությունների կարգավորման գործում», - հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան՝ Արևելյան տնտեսական ֆորումի շրջանակներում կայացած ճեպազրույցի ժամանակ։
 
NEWS.ru-ի փոխանցմամբ՝ այս հարցը մանրամասն քննարկվել է օգոստոսի 22-ին Աստրախանում՝ ռուս-ադրբեջանական տնտեսական համագործակցության միջկառավարական հանձնաժողովի նիստի ժամանակ։
 
Զախարովան, իհարկե, ոչ մի խոսք չի ասել ռուսաստանցի զինվորականների կողմից խոցված ադրբեջանական ինքնաթիռի մասին, որը դարձել է հարաբերությունների վատթարացման հիմնական պատճառը, կամ Եկատերինբուրգում իրավապահ մարմինների աշխատակիցների կողմից կատարված վայրագությունների մասին։
 
Ճեպազրույցի ժամանակ Զախարովան մեկնաբանել է ԵԱՀԿ Մինսկի խմբի գործունեության դադարեցման հարցը։ Զախարովան նշել է, որ ռուսական կողմը արդարացված է համարում՝ Եվրոպայի անվտանգության և համագործակցության կազմակերպության (ԵԱՀԿ) լուծարման որոշումը. «Մենք այս քայլը համարում ենք արդարացված՝ հաշվի առնելով տարածաշրջանում իրավիճակի արմատական ​​փոփոխությունները: Մինսկի ինստիտուտները կրճատելու նախաձեռնությունը պատկանում է Ադրբեջանին և Հայաստանին»: