Պապուաշվիլի. Ադրբեջանի և Վրաստանի միջև առկա են ամուր եղբայրական և բարեկամական հարաբերություններ

Ադրբեջանի և Վրաստանի միջև բարեկամական հարաբերությունները կզարգանան վերընթաց գծով։

Report-ի փոխանցմամբ՝ այս մասին լրագրողներին տված հարցազրույցում հայտարարել է` Վրաստանի խորհրդարանի նախագահ Շալվա Պապուաշվիլին։

«Մենք շնորհավորանքներ ենք ստացել Ադրբեջանի նախագահ Իլհամ Ալիևից և այլ քաղաքական գործիչներից՝ խորհրդարանական ընտրություններում «Վրացական երազանք-Ժողովրդավարական Վրաստան» կուսակցության հաղթանակի կապակցությամբ։ Սա մեր բարեկամության վառ օրինակն է։ Եվ այսուհետ երկու երկրների միջև սերտ բարեկամական և եղբայրական հարաբերությունները, որոնք մենք պահպանել ենք մինչ օրս, կզարգանան  աճող տեմպերով և էլ ավելի կամրապնդվեն»,- ասել է Շ.Պապուաշվիլին: