Պուտին. Կասպից ծովի ծանծաղացումը մտահոգում է բոլորին

Կասպից ծովի ծանծաղացման հարցը մեկ անգամ չէ, որ քննարկվել է՝ Ռուսաստանի, Ղազախստանի և Ադրբեջանի նախագահների հանդիպումներում։

Ինչպես հայտնում է Caliber.Az-ը՝ ռուսական լրատվամիջոցներին հղումով, այս մասին հայտարարել է ՌԴ նախագահ Վլադիմիր Պուտինը՝ Երիտասարդ գիտնականների համագումարի մասնակիցների հետ հանդիպման ժամանակ։
 
Նրա խոսքով, Կասպից ծովի ծանծաղացման խնդիրները նախկինում քննարկվել են՝ Ադրբեջանի նախագահ Իլհամ Ալիևի հետ հանդիպումներում, իսկ վերջերս այդ թեման բարձրացվել է՝ Ղազախստանի նախագահ Կասըմ-Ժոմարտ Տոկաևի հետ զրույցում։
 
«Կասպից ծովի ծանծաղացումը մտահոգում է բոլորին։ Եվ, իհարկե, պետք է ուշադրություն դարձնել կենդանիների այն տեսակներին, որոնք ակնհայտորեն և նկատելիորեն տառապում են դրանից։ Բայց ընդհանուր առմամբ սա մեծ խնդիր է»,- ասել է Վ.Պուտինը։