ՌԴ ԱԳՆ. Բաքվում ձերբակալված լրագրողների հարցը լուծվում է գործընկերային եղանակով

Մոսկվան և Բաքուն պահպանում են կապերը ռուսաստանցի լրագրողների ձերբակալությունից հետո։
 
Lenta.ru-ի փոխանցմամբ՝ այս մասին ճեպազրույցի ժամանակ հայտարարել է՝ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
 
«Մենք կապեր ենք պահպանում ադրբեջանական կողմի հետ այս հարցի շուրջ, այդ թվում՝ իրավապահ մարմինների միջոցով։ Եվ մենք համոզված ենք, որ բոլոր ծագող խնդիրները պետք է լուծվեն գործընկերային եղանակով՝ օգտագործելով առկա քաղաքական և դիվանագիտական ​​​​խողովակները», - նշել է դիվանագետը։