Թուրքիան հետաքննող խումբ է ուղարկել Բաքու՝ ինքնաթիռի կործանման հետ կապված

Ադրբեջանի Քաղաքացիական ավիացիայի պետական ​​գործակալության խնդրանքով՝ Ակտաու քաղաքում «Ադրբեջանական ավիաուղիներ»-ի մարդատար ինքնաթիռի կործանման կապակցությամբ՝ Թուրքիան 8 հոգուց բաղկացած հետաքննչական խումբ է ուղարկել Բաքու՝  վթարի պատճառները հետաքննելու, և տեխնիկական ու գործառնական վերլուծություն կատարելու համար։
 
Ինչպես հաղորդում է ԱՊԱ-ի Ստամբուլի թղթակիցը, այս մասին հայտարարել է Թուրքիայի տրանսպորտի նախարար Աբդուլքադիր Ուրալօղլուն։
 
Նախարարը նշել է, որ պատվիրակությունը Բաքու կժամանի այսօր երեկոյան, և վաղվանից, իրենց փորձագիտական ​​ոլորտներին համապատասխան, կաշխատի ադրբեջանական իշխանությունների հետ՝ հետաքննելու միջադեպի բոլոր ասպեկտները։
 
«Որպես Թուրքիա՝ մենք հայտարարում ենք, որ ցանկացած պարագայում միշտ լինելու ենք Ադրբեջանի կողքին, ցավակցություն ենք հայտնում զոհվածների ընտանիքներին և շուտափույթ ապաքինում ենք մաղթում մեր ադրբեջանցի եղբայրներին»,- հավելել է Ուրալօղլուն։