Աղդամի գործարանը արտադրանք է արտահանում Ղազախստան

Ադրբեջանն առաջին անգամ սկսել է հատուկ անվտանգության կոշիկներ և պոլիուրեթանային երկարաճիտ կոշիկներ արտահանել Ղազախստան: Այսօր Աղդամի արդյունաբերական պարկի  ռեզիդենտ BAFCO Invest LLC-ն 5000 զույգ արտադրանք է ուղարկել Ղազախստան:

AZERTAC-ի տվյալներով՝ Աղդամի արդյունաբերական պարկում գտնվող BAFCO Invest LLC-ի կոշիկի գործարանը՝ 2024 թվականի ապրիլից սկսել է տարբեր տեսակի կոշիկներ և պոլիուրեթանային երկարաճիտ կոշիկներ արտադրել: Գործարանի արտադրական հզորությունը տարեկան կազմում է 360,000 զույգ հատուկ կոշիկ և 150,000 զույգ պոլիուրեթանային երկարաճիտ կոշիկներ:
 
BAFCO Invest LLC-ի տնօրեն Էլնուր Ալլահվերդիևն ասել է. «Սա մեզ համար նշանակալի օր է: Առաջին անգամ մենք մեր գործարանից անվտանգության կոշիկներ ենք արտահանում Ղազախստան: Բացի այդ, նախատեսվում է կոշիկ արտահանել Ֆրանսիա, արաբական երկրներ և Ռուսաստան»:
 
Հայտնի գերմանական DESMA ընկերության կառավարման թիմը նույնպես հետևել է կոշիկների Ղազախստան առաքմանը: «Ես շատ ուրախ եմ գտնվելով այստեղ՝ Ադրբեջանում BAFCO գործարանում։ Մենք ոչ միայն վաճառում ենք սարքավորումներ, այլև տրամադրում ենք տեխնոլոգիական համակարգ։ Մենք աջակցում ենք ամբողջ գործընթացին՝ նախագծումից մինչև հաջող արտադրություն։ Հաճելի է այստեղ տեսնել ժամանակակից սարքավորումներ», - ասել է DESMA-ի գործադիր տնօրեն Կլաուս Ֆրիզը։