Անկարայում՝ նոյեմբերի 8-ին նվիրված Հիշատակի ծառուղի է հիմնվել

Անկարայի Բաթըկենթի շրջանում նոյեմբերի 21-ին, ուրբաթ օրը, տեղի է ունեցել՝ Նոյեմբերի 8-ի՝ Ղարաբաղում  հաղթանակի օրվան (8 Kasım – Karabağ Zaferi Hatıra Ormanı) նվիրված ծառուղու հիմնադրման արարողությունը։
 
AZERTAC-ի փոխանցմամբ՝ 44-օրյա պատերազմում Ադրբեջանի պատմական հաղթանակին նվիրված միջոցառումը համատեղ կազմակերպվել է՝ Անկարայում Ադրբեջանի դեսպանատան, Ադրբեջանի Հանրապետության Պետական ​​նավթային ընկերության (SOCAR) և Թուրքիա-Ադրբեջան բարեկամության, համագործակցության ու համերաշխության հիմնադրամի (TADİV) կողմից։
 
Արարողության մասնակիցները, այդ թվում՝ դիվանագետներ, եղբայրական երկրի տարբեր գերատեսչությունների ղեկավարներ, Թուրքիայի և Ադրբեջանի Զինված ուժերի ներկայացուցիչներ, թուրքական բուհերի ուսանողներ և Հեյդար Ալիևի անվան դպրոցի ուսանողները, մեկ րոպե լռությամբ հարգել են Ադրբեջանի նահատակների հիշատակը։ Հնչել են երկու եղբայրական պետությունների օրհներգերը։
 
Բացելով արարողությունը, Ստամբուլի փաստաբանների ասոցիացիայի անդամ և Միջմշակութային կապերի ընկերության ղեկավար Նարգիզ Աթթարը հայտարարել է, որ նահատակները մեր ազատության, անկախության և հերոսության խորհրդանիշն են՝ կոչ անելով երիտասարդներին՝ հարգել Ադրբեջանի հերոսների հիշատակը։