Ե՞րբ է կայանալու Քահրամանմարաշում ադրբեջանական թաղամասի բացումը։

Քահրամանմարաշում ադրբեջանական թաղամասի բացումը տեղի կունենա հունիսի 19-ին։
 
Այս մասին «Report»-ին հայտնել է՝ Թուրքիա-Ադրբեջան միջխորհրդարանական բարեկամության խմբի ղեկավար Շամիլ Այրըմը։
 
Նա հիշեցրել է, որ 2023 թվականի փետրվարին Թուրքիայի Քահրամանմարաշ քաղաքում տեղի ունեցած ավերիչ երկրաշարժից հետո, Ադրբեջանի նախագահ Իլհամ Ալիևի հանձնարարությամբ, բոլոր ուժերը մոբիլիզացվել են եղբայրական Թուրքիային օգնություն ցուցաբերելու համար։
 
«Ադրբեջանը ստանձնեց ավերված թաղամասի վերականգնումը, որը դարձավ՝ երկու եղբայրական երկրների միջև  էլ ավելի ամրապնդվող բարեկամության և համերաշխության խորհրդանիշ», - ասել է նա։