Եկատերինբուրգի ադրբեջանական սփյուռքի ղեկավարի որդու կալանքի ժամկետը երկարաձգվել է

Եկատերինբուրգի Վերխ-Իսեցկի շրջանային դատարանը երկարաձգել է՝ Եկատերինբուրգի ադրբեջանական սփյուռքի ղեկավարի որդու՝ Մուտվալը Շիխլինսկու խափանման միջոցը՝ կալանքի տեսքով, որը ձերբակալվել էր  իշխանության ներկայացուցչի նկատմամբ բռնության գործով։
 
Ինչպես հաղորդում է ՏԱՍՍ-ը, այս մասին հայտնել է տարածաշրջանային դատարանների միասնական մամուլի ծառայությունը։
 
«Եկատերինբուրգի Վերխ-Իսեցկի շրջանային դատարանը բավարարել է քննիչի միջնորդությունը՝ Շիխլինսկի Մուտվալը Շահին օղլուի կալանքի տեսքով խափանման միջոցը երկարաձգելու վերաբերյալ։ Նախաքննական մարմինները նրան մեղադրում են՝ Ռուսաստանի Դաշնության Քրեական օրենսգրքի 318-րդ հոդվածի 1-ին մասով նախատեսված հանցագործություն կատարելու մեջ։ Խափանման միջոցը երկարաձգվել է մինչև 2025 թվականի դեկտեմբերի 14-ը», - ասվում է հաղորդագրության մեջ։