Եկատերինբուրգում ձերբակալվել է ադրբեջանական սփյուռքի ղեկավարի որդին

Եկատերինբուրգում ադրբեջանական սփյուռքի ղեկավարի որդին՝ Մութվալը Շըխլինսկին, ձերբակալվել է՝ .իշխանության  ներկայացուցչի նկատմամբ բռնության գործով։

Այս մասին ՏԱՍՍ-ին հայտնել է՝ Սվերդլովսկի մարզի փաստաբանների ասոցիացիայի նախագահ Իգոր Պուտինցևը։
 
«Նա ձերբակալվել է, մենք այս տեղեկությունը ստացել ենք Քննչական կոմիտեից», - ասել է նա։
 
Մ. Շըխլինսկին իրավաբան է։
 
Սվերդլովսկի մարզի դատարանների միասնական մամուլի ծառայությունից հայտնել են, որ Լենինսկի դատարանը չորեքշաբթի օրը կքննարկի՝ Մութվալը Շըխլինսկու նկատմամբ խափանման միջոց կիրառելու միջնորդությունը։
 
Գործակալության աղբյուրը հայտնել է, որ Շըխլինսկու դեմ գործ է հարուցվել՝ 318-րդ հոդվածի 1-ին մասով (իշխանության ներկայացուցչի նկատմամբ բռնության կիրառում): Ինչպես հաղորդում են ռուսական լրատվամիջոցները, երիտասարդը, հոր ձերբակալության ժամանակ անվտանգության ուժերից փախչելու փորձի ժամանակ, վնասվածքներ է հասցրել Ռոսգվարդիայի սպաներից մեկին։