Էրդողան. Ավիավթարից հետո Ադրբեջանն ու Վրաստանը միավորել են իրենց ջանքերը՝ համապարփակ աջակցություն ցուցաբերելու համար

Ադրբեջանն ու Վրաստանը մոբիլիզացրել են բոլոր հնարավորությունները՝ թուրքական ինքնաթիռի վթարից հետո օգնություն ցուցաբերելու համար։
 
Ինչպես հաղորդում է Caliber.Az-ը՝ հղում անելով թուրքական լրատվամիջոցներին, այս մասին հայտարարել է Թուրքիայի նախագահ Ռեջեփ Թայիբ Էրդողանը՝ կառավարության նիստից հետո ժողովրդին ուղղված իր ուղերձում։
 
«Հարևան երկրները համագործակցել են ինքնաթիռի վթարի հետ կապված բոլոր հարցերում։ Կարճ ժամանակում հայտնաբերվել են զոհերի մարմինները և ինքնաթիռի «սև արկղը»», - ասել է նա։
 
Էրդողանը հավելել է, որ միջադեպի պատճառը կպարզվի ինքնաթիռի ինքնագիր սարքի ստուգումից հետո։
 
Հիշեցնենք, որ նոյեմբերի 11-ին Վրաստանում վթարի է ենթարկվել Ադրբեջանից Թուրքիա ուղևորվող C-130 ինքնաթիռը։ Ինքնաթիռում գտնվող բոլոր 20 զինծառայողները զոհվել են։