Էրդողան. Թուրքիան ձգտում է վերակենդանացնել պատմական «Մետաքսի ճանապարհը» Միջին միջանցքով

«Որպես ասիական երկիր Եվրոպայում և եվրոպական երկիր Ասիայում, մեր աշխարհագրական դիրքի շնորհիվ Ասիայի, Եվրոպայի և Մերձավոր Արևելքի միջև, մենք շարունակում ենք  ավանդ ներդնել՝ անխափան և անվտանգ տրանսպորտային ու հաղորդակցական կապերի ապահովմանը»։
 
Ինչպես հաղորդում է Caliber.Az-ը՝ հղում անելով Թուրքիայի Հանրապետության նախագահի աշխատակազմի հաղորդակցության վարչությանը X սոցիալական ցանցի էջում, այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով ՇՀԿ 25-րդ գագաթնաժողովի նիստում:
 
Նա նշել է, որ մի կողմից, Թուրքիան ձգտում է վերակենդանացնել պատմական «Մետաքսի ճանապարհը» Միջին միջանցքով, իսկ մյուս կողմից, շարունակում է ջանքեր գործադրել այս նախաձեռնությունը համակարգելու՝ «Մեկ գոտի, մեկ ճանապարհ» նախագծի հետ։
«Մենք մտադիր ենք հսկայական տարածաշրջանը միացնել «Զարգացման ճանապարհ» նախագծի հետ, որը մենք իրականացնում ենք Հյուսիս-Հարավ-Արևելք առանցքի երկայնքով», - ընդգծել է Թուրքիայի առաջնորդը։