Էրդողանը շնորհավորել է ԹՊԿ-ի երկրներին

Թուրքիայի նախագահ Ռեջեփ Թայիբ Էրդողանը  հրապարակում է տարածել՝ Նախչըվանի համաձայնագրի 16-ամյակի և Թուրքական պետությունների համագործակցության օրվա կապակցությամբ։
 
Caliber.Az-ի փոխանցմամբ՝ հրապարակումը  տեղադրվել է X  ցանցի նրա էջում։
 
«Շնորհավորում եմ մեր համատեղ տարեդարձի՝ Նախչըվանի համաձայնագրի 16-ամյակի կապակցությամբ, որը ապահովեց մեր թուրքական պետությունների կազմակերպության ստեղծումը, որը մեր լեզվի, մտքի և գործերի միասնության ամենակարևոր խորհրդանիշներից մեկն է, ինչպես նաև թուրքական պետությունների համագործակցության օրվա կապակցությամբ։ Հուսով եմ, որ այս նշանակալի օրը կամրապնդի միասնության և համերաշխության ոգին և կնպաստի մեր երկրների միջև հարաբերությունների զարգացմանը բոլոր ոլորտներում։ Թող մեր ընդհանուր ապագան լինի պայծառ, իսկ մեր համագործակցությունը՝ մշտական», - նշել է Էրդողանը  հրապարակման մեջ։