Ղազախստանի դատախազությունը՝ AZAL-ի ինքնաթիռի վթարի հետաքննության ընթացքի մասին

Ղազախստանի իշխանությունները շարունակում են հետաքննել՝ ադրբեջանական AZAL ավիաընկերության  ինքնաթիռի Ակտաուի մոտակայքում վթարը։
 
Ինչպես հաղորդում է Caliber.Az-ը, այս մասին ռուսական լրատվամիջոցներին հայտնել են՝ հանրապետության Գլխավոր տրանսպորտային դատախազության մամուլի ծառայությունից։
 
Գերատեսչության տվյալներով՝ իրականացվում են քննչական գործողություններ վթարի օբյեկտիվ քննության համար։ Դատախազությունում նշել են, որ նախաքննության տեղեկատվությունը հրապարակման ենթակա չէ։ Գործի մանրամասները չեն հրապարակվի մինչև դրա ավարտը։