Հայտնի է դարձել Ադրբեջանում խորհրդարանական ընտրություններին ընտրողների մասնակցության թիվը

Ադրբեջանում արտահերթ խորհրդարանական ընտրություններին ընտրողների մասնակցությունը՝ ժամը 19:00-ի դրությամբ կազմել է 37,27 տոկոս։ 

Ինչպես հաղորդում է Caliber.Az-ը, այս մասին ճեպազրույցում ասել է՝ Ադրբեջանի Կենտրոնական ընտրական հանձնաժողովի (ԿԸՀ) նախագահ Մազահիր Փանահովը։ Ըստ Փանահովի, ընտրություններին քվեարկած ընտրողների թիվը կազմել է 2 196 771 մարդ։ 

Նա նշել է, որ 5895 ընտրատեղամասեր իրենց արձանագրությունները ներկայացրել են ԿԸՀ։ Նշենք, որ ժամը 19:00-ին Ադրբեջանում ավարտվել է խորհրդարանական ընտրությունների քվեարկության գործընթացը։