Իրանի նախագահը կոչ է արել արագացնել Ադրբեջանի հետ սահմանային միջանցքի ստեղծումը

Իրանի նախագահ Մասուդ Փեզեշքիանը Ճանապարհների նախարարության տնտեսական պաշտոնյաների հետ հանդիպմանը կոչ է արել գերատեսչությունների աշխատակիցներին արագացնել Ադրբեջանի հետ սահմանային միջանցքի իրականացումը, ինչպես նաև ավարտել «Հյուսիս-Հարավ» միջազգային միջանցքի շինարարությունը, հայտնում է «Вестник Кавказа»-ն։

«Հաշվի առնելով այս տարածաշրջանային միջանցքների կարևորությունը, դրանք պետք է ավարտվեն որքան հնարավոր է շուտ»,- ասել է Մասուդ Պեզեշքիանը:

Իրանի առաջնորդը նաև մասնավոր ընկերություններին կոչ է արել ներդրումներ կատարել Իրանի ենթակառուցվածքային նախագծերում՝ նշելով, որ երկիրն ունի այնպիսի նախագծեր, որոնք հետաքրքիր են նաև օտարերկրյա ներդրողների համար, և դրանցից մեկը իրանական նավահանգիստներում ներդրումներն են, գրում է Mehr-ը։

Հանդիպմանը Նախագահը լսել է նաև ճանապարհների նախարարի և այլ պաշտոնյաների զեկույցը երկրի միջազգային ավտոմոբիլային և երկաթուղային միջանցքների վիճակի մասին։