Լուկաշենկո. Ադրբեջանն ու Հայաստանը խաղաղության համաձայնագիր են ստորագրել

Անվտանգության  ոլորտում դեռ հսկայական թվով հարցեր են մնում, որոնք քննարկման և լուծումների կարիք ունեն։
 
Ինչպես հաղորդում է ԲԵԼՏԱ-ն, այս մասին հայտարարել է Բելառուսի նախագահ Ալեքսանդր Լուկաշենկոն՝  Եվրասիական անվտանգության հարցերով Մինսկի III միջազգային համաժողովում:
 
«Վերջերս հաջողվել է հասնել մի քանի երկարատև հակամարտությունների լուծումների (հուսով եմ՝ երկարաժամկետ). Ադրբեջանն ու Հայաստանը խաղաղության համաձայնագիր են ստորագրել,  Գազայում երկամյա պատերազմն ավարտվել է», - ասել է նախագահը։ «Մյուս թեժ կետերում հույսի նշույլ չկա»։
 
Լուկաշենկոն հիշեցրել է նախորդ համաժողովում բերած օրինակը, որ  աշխարհում մոլեգնում է մոտավորապես 50 զինված հակամարտություն՝ տարբեր ինտենսիվությամբ։ Սա Երկրորդ համաշխարհային պատերազմի ավարտից ի վեր ամենաբարձր թիվն է։
 
«Աճում են բռնությունը, զոհերի, փախստականների և տնտեսական կորուստների թիվը:  Z սերնդի (Բանգլադեշ, Նեպալ, Մադագասկար) ենթադրաբար ինքնաբուխ հեղափոխությունները առանձին մարտահրավեր են ներկայացնում», - հայտարարել է Բելառուսի առաջնորդը։