ՌԴ ԱԳՆ. Հայաստանը մերժում է Ռուսաստանի հետ միությունը Արևմուտքի ճնշման ներքո

Ռուս-հայկական հարաբերությունները բարդ ժամանակաշրջան են ապրում՝ կապված Արևմուտքի գործողությունների հետ, որը մեծացնում է ճնշումը Երևանի վրա և հրահրում Մոսկվայի հետ կապերի քայքայումը։
 
Այս մասին ասվում է լրատվամիջոցների հարցերին՝ ՌԴ ԱԳՆ-ի պատասխաններում, որոնք ստացվել են արտգործնախարար Սերգեյ Լավրովի ասուլիսում։
 
«Ռուս-հայկական հարաբերությունները բարդ ժամանակաշրջան են ապրում: Սա շատ առումներով հետևանք է Արևմուտքի գործողությունների, որը անցած տարում մեծացրել  է ճնշումը Հայաստանի վրա, դրդել նրան քանդել ավանդական կապերը Ռուսաստանի հետ և պարտադրել հայ ժողովրդին խորթ արժեքային կողմնորոշումներ։ Ցավոք, հանրապետությունում հաճախ բարեհաճ էին արձագանքում՝ ԱՄՆ-ի և ԵՄ-ի չհիմնավորված խոստումներին՝ Ռուսաստանին Հայաստանի  համար փոխարինելու վերաբերյալ։ Ի վերջո, ՀԱՊԿ-ը Հայաստանի անվտանգության հիմնաքարն է, իսկ ԵԱՏՄ-ին անդամակցությունը նրա տնտեսական բարեկեցության գրավականն է»,- նշել են դիվանագիտական ​​գերատեսչությունում։