ՌԴ պատգամավոր. Ադրբեջանը ուժեղ նախընտրական քարոզարշավ է անցկացրել

Սա Ադրբեջանի ամենակարևոր քաղաքական իրադարձություններից մեկն էր։
 
Report-ի փոխանցմամբ, այս մասին ասել է ՌԴ Պետդումայի պատգամավոր Ալեքսանդր Տերենտևը՝ մեկնաբանելով երկրում անցկացված արտահերթ խորհրդարանական ընտրությունները։
 
«Այս իրադարձությունը մեզ ցույց կտա, թե ինչ զարգացման վեկտոր է ընտրելու Ադրբեջանը ապագայում», - ասել է Տերենտևը։
 
Նրա խոսքով, Ռուսաստանը գոհունակություն է հայտնում, որ Ադրբեջանը ինքնուրույն քաղաքականություն է վարում։ «Մեզ գրավում է այն փաստը, որ Ադրբեջանը վարում է ինքնիշխան և անկախ քաղաքականություն՝ ի շահ իր ժողովրդի։ Շատ երկրներ ընտրություններում բախվում են արտաքին ազդեցության։ «Մենք ուրախ ենք, որ Ադրբեջանն անցկացրել է ուժեղ նախընտրական արշավ, սա ցույց է տալիս ադրբեջանական ժողովրդի գոհունակությունը՝ երկրի կառավարության ընտրած քաղաքական կուրսից»,- ասել է նա։
 
Պատգամավորը նաև հիշեցրել է, որ Ադրբեջանը և Թաթարստանի Հանրապետությունը, որը նա ներկայացնում է, կապված են ամուր կապերով։
 
Տերենտևը նշել է, որ ընտրությունները հաջող են անցել։ «Ընտրատեղամասեր այցելելիս, մենք տեսանք շատ բարյացակամ մթնոլորտ: Իրավական առումով սրանք հաջող ընտրություններ էին»,- եզրափակել  նա։