ՌԴ տրանսպորտի նախարարությունը՝ Ադրբեջանի տարածքով Հայաստան ցորեն մատակարարելու պլանների մասին

Մինչև 2026 թվականի հունվարի վերջը՝ Ռուսաստանի Դաշնությունը ցորենով ևս 132 վագոն կուղարկի Հայաստանի Հանրապետություն՝ Ադրբեջանի տարածքով անցնող նոր երկաթուղային երթուղով։
 
Ինչպես հաղորդում է Caliber.Az-ը՝ հղում անելով հայկական լրատվամիջոցներին, այս մասին հայտարարել է Ռուսաստանի տրանսպորտի նախարարությունը։
 
«Մինչև 2026 թվականի հունվարի վերջը նախատեսվում է այս երթուղով առաքել ևս 132 վագոն ցորեն։ Քննարկվում են նաև այլ կատեգորիաների բեռնափոխադրումները», - ասվում է ՌԴ տրանսպորտի նախարարության հայտարարության մեջ։
 
Ռուսաստանի տրանսպորտի նախարարությունում ընդգծել են, որ սա առաջին դեպքն է, երբ Հայաստան բեռներ են տեղափոխվում Ադրբեջանի տարածքով։