Ուրմիա լիճն ամբողջությամբ չորացել է

Իրանի Արևմտյան Ադրբեջան նահանգում գտնվող Ուրմիա լիճն ամբողջությամբ չորացել է։
 
Այս մասին հայտնում է TRT հեռուստաալիքը։
 
Նշվում է, որ իրանական լրատվամիջոցներում տարածվել են աշխարհի ամենամեծ աղի լճերից մեկի՝ Ուրմիա լճի չորացման արբանյակային պատկերները։
 
Ավելի վաղ իրանցի պաշտոնատար անձինք  հայտարարել էին, որ եթե ձեռնարկված միջոցները արդյունք չտան, լիճը կչորանա մինչև ամռան վերջ։
 
Չնայած Թեհրանի վարչակազմը սկսել է լճի վերականգնման համար նախատեսված 6 միլիարդ դոլար բյուջեով խոշոր բնապահպանական նախագիծ, երկրում շարունակվող երաշտի պատճառով ցանկալի արդյունքի չի հասել։