Վրացական երկաթուղիներ. Վրաստանը կսկսի Բաքու-Թբիլիսի-Կարս երկաթուղու արդիականացումը

«Հաջորդ տարվանից մենք կսկսենք Բաքու-Թբիլիսի-Կարս (ԲԹԿ) երկաթուղու ակտիվ արդիականացումը»։
 
APA-ի փոխանցմամբ, այս մասին հայտնել է «Վրացական երկաթուղիներ» ԲԸ գլխավոր տնօրեն Լաշա Աբաշիձեն՝ Թբիլիսիի «Մետաքսի ճանապարհ» 5-րդ ֆորումի շրջանակներում պանելային քննարկման ժամանակ։
 
Նա նշել է, որ ԲԹԿ-ն շատ կարևոր նախագիծ է տարածաշրջանի համար։
 
«Այս նախագծի շրջանակներում մենք նախատեսում ենք Ախալքալաքում կառուցել նոր տերմինալ։ Այս տերմինալը կծառայի որպես կապող օղակ որոշակի գործողությունների համար։ Բաքու-Թբիլիսի-Կարս նախագծի շնորհիվ մենք ստեղծում ենք նոր կապեր, որոնք թույլ կտան մեզ գտնել նոր գործընկերներ Միջին միջանցքի համար։ Այս երկաթուղին ունի 5 միլիոն տոննա բեռ տեղափոխելու հնարավորություն», - ասել է Աբաշիձեն։