Զախարովա. Ռուսաստանը հետաքրքրված է Ադրբեջանի հետ սերտ համագործակցությամբ

Մենք հետաքրքրված ենք Ադրբեջանի հետ սերտ համագործակցությամբ տարբեր տարածաշրջանային ձևաչափերով՝ ԱՊՀ և ՇՀԿ, Ասիայում փոխգործակցության և վստահության ամրապնդման միջոցառումների խորհրդաժողով, Կասպյան հնգյակ և 3+3 տարածաշրջանային համագործակցության հարթակ, այդ թվում՝ եվրասիական անվտանգության ճարտարապետության կառուցման համատեքստում։
 
Ինչպես հաղորդում է Caliber.Az-ը՝ հղում անելով ռուսական լրատվամիջոցներին, այս մասին այսօր ճեպազրույցի ժամանակ հայտարարել է՝ Ռուսաստանի ԱԳՆ պաշտոնական ներկայացուցիչ  Մարիա Զախարովան։
 
«Մենք տեսնում ենք Բաքվի և Եվրասիական տնտեսական միության հետ երկխոսության ամրապնդում, ինչի մասին է վկայում արդեն իսկ ձևավորված բարի ավանդույթը՝ Ադրբեջանի վարչապետի՝ Եվրասիական միջկառավարական խորհրդի նիստերին որպես պատվավոր հյուր մասնակցելը։ Վերջին նման միջոցառումը տեղի է ունեցել Մինսկում այս տարվա սեպտեմբերի 30-ին։ Մենք դրական ենք գնահատում մեր փոխգործակցությունը Բաքվի հետ ԱՊՀ շրջանակներում։ Գործընկերները շատ ակտիվ են ոլորտային համագործակցության տարբեր ուղղություններում։
 
Օրինակ, այս տարի Ադրբեջանն ընդունում է ԱՊՀ բոլոր երեք թեմատիկ մայրաքաղաքները։ Օրինակ՝ Գաբալան երիտասարդական մայրաքաղաք է, Լաչինը՝ մշակութային, իսկ Գյանջան՝ սպորտային։ Այս ժամանակահատվածում՝ սեպտեմբերի 28-ից մինչև հոկտեմբերի 8-ը, յոթ ադրբեջանական քաղաքներում հաջողությամբ անցկացվել են ԱՊՀ երրորդ խաղերը, որոնց մասնակցել են ավելի քան 1500 մարզիկներ 23 մարզաձևերում։ Մենք արդեն մեկնաբանել ենք այս մասին», - ասել է Զախարովան։