Փաշինյան. Հայաստանի նոր Սահմանադրությունը Բաքվի պահանջը չէ

Հայաստանի իշխանությունները պատրաստվում են առաջարկել նոր սահմանադրության նախագիծ, որը Ադրբեջանի պահանջով չի մշակվում, բայց տարածաշրջանային նշանակություն կունենա։

ՏԱՍՍ-ի փոխանցմամբ՝ այս մասին մի խումբ քաղաքացիների հետ հանդիպման ժամանակ հայտարարել է Հայաստանի վարչապետ Նիկոլ Փաշինյանը։

«Նոր սահմանադրության մասին առաջարկած իմ թեզը շատ քննարկվեց, այն ներկայացվեց իբրև Ադրբեջանի կողմից առաջադրված պահանջի կատարում։ Իրականում, «Իրական Հայաստանի» գաղափարախոսության պայմաններում այն ունի բացարձակապես այլ նշանակություն՝ չնայած այս պայմաններում հնարավոր չի ժխտել, որ այն տեքստը, որը կարող է լինել, ինքը կունենա նաև տարածաշրջանային նշանակություն, բոլոր դեպքերում բոլոր սահմանադրություններին դա վերաբերում է», - ասել է նա: