Փաշինյանը «հետաքրքիր» է որակել Ադրբեջանի, Հայաստանի և Վրաստանի դիվանագետների հանդիպումը

ՀՀ վարչապետ Նիկոլ Փաշինյանը ապրիլի 17-ին Թբիլիսիում տեղի ունեցած Ադրբեջանի, Հայաստանի և Վրաստանի փոխարտգործնախարարների հանդիպումը համարում է հետաքրքիր ձևաչափ և ակնկալում է, որ այն կզարգանա և կվերածվի ավելի լայն ձևաչափի։

Այս մասին հաղորդում է վրացական News Day լրատվական գործակալությունը՝ նշելով, որ Փաշինյանը այս մասին հայտարարել է Եվրոպական քաղաքական համայնքի 6-րդ համաժողովի մեկնարկից առաջ։

«Արտաքին գործերի փոխնախարարների հանդիպումը, որը տեղի ունեցավ Թբիլիսիում, շատ հետաքրքիր ձևաչափ է։ Հուսով եմ, որ այս ձևաչափը կզարգանա և կվերածվի ավելի լայն ձևաչափի։ Ես գնահատում եմ Վրաստանի վարչապետի ջանքերը՝ այս ձևաչափի հաջողությունն ապահովելու համար»,-ասել է ՀՀ վարչապետը։