Պեսկով. Մոսկվան պատրաստ է օգնել Երևանին և Բաքվին

Ռուսաստանը հանգիստ է վերաբերվում նրան, որ Հայաստանը չի ցանկանում Մոսկվայի միջնորդությունը՝ Երևանի և Բաքվի միջև բանակցություններում, և ողջունում է խաղաղ երկխոսությանն ուղղված կողմերի անկախ ջանքերը։
 
Ինչպես հաղորդում է ՏԱՍՍ-ը, այս մասին ճեպազրույցում հայտարարել է՝ ՌԴ նախագահի մամուլի քարտուղար Դմիտրի Պեսկովը։
 
«Տարբեր մակարդակներում մենք լսեցինք հայտարարություններ Երևանից, որ միջնորդների կարիք չկա, և որ Երևանն ու Բաքուն իրենք կշարունակեն երկխոսությունը մինչև [խաղաղության համաձայնագրի] վերջնական տեսքը։ Մենք նույնպես կողջունենք անկախ ջանքերը»,- ասել է Կրեմլի  ներկայացուցիչը։
 
Նրա խոսքով, Ռուսաստանի համար գլխավորը Հարավային Կովկասում իրավիճակի կայունացումն է և այս տարածքում պետությունների հետագա համագործակցության համար կանխատեսելի միջավայրի ստեղծումը։