ՌԴ Առողջապահության նախարարությունը՝ Ակտաուում երկու տուժածի վիճակի մասին

Ղազախստանի Ակտաու քաղաքի մերձակայքում AZAL մարդատար ինքնաթիռի վթարի հետևանքով տուժած երկու ռուսաստանցիների վիճակը ծանր է։

Ինչպես հայտնում է Caliber.Az-ը՝ ռուսական լրատվամիջոցներին հղումով, այս մասին լրագրողներին ասել է՝ ՌԴ առողջապահության նախարարության ղեկավարի օգնական Ալեքսեյ Կուզնեցովը։

«Ակտաուում ավիավթարի հետևանքով տուժած ինը ռուսաստանցիներ գտնվում են ՌԴ առողջապահության նախարարության դաշնային բժշկական կենտրոններում և Մոսկվայի առողջապահության դեպարտամենտի հիվանդանոցում։ Նրանցից երկուսի վիճակը շարունակում է մնալ ծանր, 4-ի, այդ թվում՝ մեկ երեխայի վիճակը միջին ծանրության է, ևս երեք տուժածների վիճակը բժիշկները գնահատում են միջին ծանրության»,- ասել է նա։

Նրա խոսքով, տուժածներն ամբողջությամբ ստանում են անհրաժեշտ բուժօգնություն։