ՌԴ-ում Ադրբեջանի դեսպանատունը՝ Ժուկովսկի օդանավակայանում ձերբակալված Ադրբեջանի քաղաքացիների մասին

Ժուկովսկի օդանավակայանում (Մոսկվայի մարզ) Ադրբեջանի քաղաքացիների ձերբակալման հարցը գտնվում է Ռուսաստանում Ադրբեջանի դեսպանատան վերահսկողության տակ։

Դեսպանատան մամուլի ծառայությունից APA-ին հայտնել են, որ հյուպատոսական աշխատակիցներն այժմ աշխատում են խնդիրը լուծելու ուղղությամբ։

Դեսպանատունը նաև նշել է, որ Ադրբեջանի քաղաքացիները պարտավոր են գրանցվել և թույլտվություն ստանալ համապատասխան հավելվածի միջոցով Ռուսաստանի Դաշնություն ժամանելուց 72 ժամ առաջ, սակայն, ցավոք, շատերը դա չեն անում. «Ահա թե ինչու են նրանք նման խնդիրների բախվում։ Եվս մեկ պահ. Ժուկովսկի օդանավակայանում ձերբակալվածները կարող են այնտեղ գտնվել մինչև մեկ շաբաթ, քանի որ ռուսական կողմն ինքնուրույն կազմակերպում է նրանց վերադարձը հայրենիք։ Ադրբեջանական ինքնաթիռները չեն թռչում դեպի Ժուկովսկի օդանավակայան. այնտեղ շաբաթը երկու անգամ՝ երկուշաբթի և հինգշաբթի, չվերթներ են իրականացվում միայն ռուսական ինքնաթիռներով։ Հետևաբար, եթե վաղը ինքնաթիռում տեղ լինի, մեր քաղաքացիները, որոնց տեսանյութը տարածվել է, վաղը կուղարկվեն Ադրբեջան»։