Թուրքիան կարող է բացել ՀՀ հետ ցամաքային սահմանը Բաքվի հետ խաղաղության համաձայնագրի ստորագրումից հետո. Bloomberg

Թուրքիան դիտարկում է Հայաստանի հետ իր ցամաքային սահմանը բացելու հնարավորությունը առաջիկա վեց ամիսների ընթացքում, ինչը վերջ կդնի Եվրոպայի սառը պատերազմի ժամանակաշրջանից մնացած վերջին փակ սահմանին և պայմաններ կստեղծի Հարավային Կովկասում առևտրի վերսկսման համար։

Այս մասին հաղորդում են Bloomberg-ի աղբյուրները:

Նշվում է, որ Ադրբեջանի հետ դիվանագիտական առաջընթացը և Թուրքիայի հետ սահմանի բացումը կարևոր ազդակ կհաղորդեն Հայաստանի վարչապետ Նիկոլ Փաշինյանին 2026 թվականի հունիսին կայանալիք խորհրդարանական ընտրություններից առաջ։

«Եթե նա հաղթի ընտրություններում, Ադրբեջանի նախագահ Իլհամ Ալիևը կկարողանա աշխատել վարչապետ Նիկոլ Փաշինյանի հետ և ստորագրել խաղաղության համաձայնագիր», հայտնել են երկու երկրների միջև հարաբերությունների կարգավորման գործընթացին անմիջականորեն ծանոթ աղբյուրները։

Միայն դրանից հետո, ըստ նրանց, Թուրքիան կարող է դեսպան նշանակել Հայաստանում՝ դիվանագիտական հարաբերությունները վերականգնելու համար: