Թուրքիայի իշխանությունների ներկայացուցիչներն այցելել են Քահրամանմարաշի ադրբեջանական թաղամաս

2023 թվականի փետրվարի 6-ին տեղի ունեցած ավերիչ երկրաշարժի երկրորդ տարելիցին՝ Թուրքիայի կառավարության մի շարք անդամներ այցելել են՝ Քահրամանմարաշ քաղաքում կառուցվող ադրբեջանական թաղամաս։
 
Ինչպես հայտնում է AZERTAC-ը, աշխատանքի և սոցիալական ապահովության նախարար Վեդաթ Ըշըքխանը, գյուղատնտեսության և անտառային տնտեսության նախարար Իբրահիմ Յումակլըն և արդյունաբերության ու տեխնոլոգիաների նախարար Մեհմեդ Ֆաթիհ Քաջիրը ծանոթացել են՝ Ադրբեջանի կառավարության աջակցությամբ իրականացվող՝ բնակարանաշինության լայնածավալ ծրագրի շինարարության ընթացքին։
 
Թուրքիայի նախարարների կաբինետի անդամները՝ այցի արդյունքներոի վերաբերյալ  հանդես են եկել մամուլի համար հայտարարությամբ։
 
Աշխատանքի և սոցիալական ապահովության նախարար Վեդաթ Ըշըքխանը հիշեցրել է, որ ավերիչ ցնցումների զոհ է դարձել Թուրքիայի ավելի քան 53 հազար բնակիչ, ավելի քան 107 հազար մարդ վիրավորվել է, և ցավակցություն է հայտնել զոհվածների հարազատներին ու մերձավոներին։
 
«Աղետի պայմաններում Թուրքիայի ժողովուրդը համախմբվեց նախագահ Ռեջեփ Թայիբ Էրդողանի շուրջ և միացավ աղետի գոտում գտնվող 11 նահանգներին աջակցելու կոչին»,-ասել է Ըշըքխանը՝ ընդգծելով, որ պետությունը իր ոչ մի քաղաքացուն փորձանքի մեջ չի թողնի։