Տոկաև. Բաքվի և Երևանի միջև խաղաղությունը նոր հնարավորություններ կբացի տարածաշրջանի երկրների համար

Ադրբեջանի և Հայաստանի միջև խաղաղության համաձայնագրի ստորագրումը կնպաստի անվտանգության ամրապնդմանը և համագործակցության ակտիվ զարգացմանը Հարավային Կովկասի տարածաշրջանում՝ ինչպես Ղազախստանի, այնպես էլ Կենտրոնական Ասիայի բոլոր երկրների հետ։

Ինչպես հաղորդում է Caliber.Az-ը՝ ղազախական լրատվամիջոցներին հղումով, այս մասին հայտարարել է Ղազախստանի նախագահ Կասըմ-Ժոմարտ Տոկաևը՝ Հայաստանի արտգործնախարար Արարատ Միրզոյանի հետ բանակցությունների  շրջանակներում։

Տոկաևը նշել է, որ Ղազախստանը ողջունում է՝ երկու երկրների միջև խաղաղության պայմանագրի տեքստի շուրջ բանակցությունների ավարտը։

«Այս նշանակալից իրադարձությունը կլինի՝ Հայաստանի և Ադրբեջանի միջև կայուն խաղաղության հաստատման նախանշանը»,- ընդգծել է նա։