Տոկաևը պարգևատրել է երկու ադրբեջանցիների

Ղազախստանի նախագահ Կասիմ-Ժոմարտ Տոկաևը պարգևատրել է ադրբեջանցի հասարակական ակտիվիստ Թաղի Թաղիևին և Մանգիստաուի շրջանի ադրբեջանցիների ասոցիացիայի անդամ, սփյուռքի ակտիվիստ Էլմիր Շահսուվարովին։

Ըստ Report-ի՝ Թաղիևը արժանացել է «Տարվա մարդ» կոչմանը Ղազախստանում իր բարեգործական գործունեության համար։

Շահսուվարովը արժանացել է Ղազախստանի Ժողովրդական Ասամբլեայի «Ժոմարտ ժան» կրծքանշանի՝ Ղազախստանում արվեստի և բարեգործության զարգացման գործում ներդրած ավանդի համար:

Հարկ է նշել, որ Թաղի Թաղիևը Ադրբեջանի վաստակավոր արտիստ, դերասան Զիրադդին Թաղիևի որդին է։