Վախճանվել է ղարաբաղցի թուրք գրող Յավուզ Բյուլենթ Բաքիլերը

88 տարեկան հասակում վախճանվել է ղարաբաղցի թուրք բանաստեղծ և գրող Յավուզ Բյուլենթ Բաքիլերը։

Ինչպես հաղորդում է TRT Haber-ը, բանաստեղծի մահվան մասին հայտնել է Թուրքիայի մշակույթի և զբոսաշրջության նախարարությունը։

Թուրքիայի նախագահ Ռեջեփ Թայիբ Էրդողանը և նախկին առողջապահության նախարար Ֆահրեթթին Քոջան իրենց ցավակցությունն են հայտնել՝ նշելով Բաքիլերի նշանակալի ներդրումը գրականության մեջ և նրա անմոռանալի բանաստեղծությունները Ադրբեջանի մասին։

Նշենք, որ նա «Ղարաբաղի կարոտը», «Ադրբեջանը իմ սրտի գլխավոր զարկերակն է» և «Ադրբեջան» ստեղծագործությունների հեղինակն է։