Ուրալօղլու. Թուրքիան շարունակում է բանակցությունները Ադրբեջանի հետ Զանգեզուրի միջանցքի շուրջ

Թուրքիան շարունակում է Ադրբեջանի հետ Զանգեզուրի միջանցքի շուրջ քննարկումները։

Ինչպես հաղորդում է Сaliber.Az-ը՝ հղում անելով Anadolu-ին, այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն՝ ելույթ ունենալով Անկարայում «Տրանսպորտային միջանցքները և տարանցիկ փոխադրումները «թուրքական դարում» համաժողովում։

Նա նշել է, որ Թուրքիան ամեն կերպ ձգտում է բարձրացնել Միջին միջանցքի արդյունավետությունը։

Նախարարի խոսքով, այս ուղղությամբ խոստումնալից նախագծերից է Զանգեզուրի միջանցքը։